នៅខណៈដែលទាហានរុស្ស៊ីមានវឌ្ឍនភាពឆ្ពោះទៅមុខនៅអ៊ុយក្រែន លោកវ្ល៉ាឌីមៀ ពូទីន បានផ្លាស់ប្តូររដ្ឋមន្រ្តីការពារជាតិ។ លោកសឺហ្គ៉េ ឆ័រហ្គូ ដែលកាន់តំណែងនេះតាំងពី ឆ្នាំ ២០១២ និងជាមនុស្សស្មោះត្រង់ម្នាក់ជាមួយប្រមុខវិមានក្រឹមឡាំង ត្រូវបានផ្លាស់ចេញកាល ពី ថ្ងៃអាទិត្យ ដោយជំនួសដោយឧបនាយករដ្ឋមន្រ្តីលោកអន់ដ្រេអ៊ី បឺលូសូវ ដែលជាអ្នក សេដ្ឋកិច្ចមិនមានបទពិសោធន៍ខាងយោធា។